愛星文陪你一情系列 第三回 前戲

CHOICECARE

有人會話性事好似煮咖啡咁，要慢慢去加溫，蘊釀出情緒，先會投入當中香氣...有D人中意落糖，有D人中意咩都唔落，各人有各人口味同做法，最緊要享受當中味道

你了唔了解係性事時你嘅身體同時傳緊D msg你知呢？
人類性反應周期係1966年麥斯特與強生所推出，呢個理論用黎解釋性活動或性行為時人類生理上嘅唔同階段反應。大致分成四個階段：

一、興奮期
二、持續期
三、高潮期
四、消退期

大多人會比較多聽到係高潮，有樓有高潮更加係近年金句啦！
反而好少人會知道興奮期同埋持續期係咩黎，應該話多數人命名做「前戲」。

「前戲」嘅目的係為左令到雙方係性行為發生前可以減少緊張同怕醜呀，使到親密度更加自然同提升，為性交作準備。好多時成日聽到女士會埋怨唔夠前戲，另一方直接黎令過程少左性滿足同愉悅。的而且確，前戲係重要，會影響到雙方投入度同感受呢！

「前戲」其實係Ｄ咩黎？
指人類係性事中一連串情感、身體上親密行為，包括愛撫、接吻、口交、指交等等。觸發到敏感帶亦能夠為此而升溫，更快進入狀態。

興奮期、持續期有相似嘅概念，多左份解釋人類生理上嘅反應點去迎接下一步接觸。
呢兩個時期男同女方有著不一樣身體變化，
男方：陰莖漸漸勃起同變硬，陰囊會變得緊張同增厚，睪丸會提高至接近會陰位置，尿道括約肌會係呢個階段中收縮，陰莖根部肌肉亦開始有節律地收縮，於持續期中開始排出精液。
女方：陰蒂、小陰唇和陰道腫脹，陰道口周圍的肌肉會變得繃緊，陰道壁開始產生潤滑液，乳房的大小會略有增加、乳頭變硬變直，出現輕微的擴張、恥骨尾骨肌收縮、陰道口收窄。

認識多Ｄ自己係性事上嘅所處於狀態，幫助到自己同伴侶更了解雙方身體變化。下一次會傾到性高潮又係點一回事，男同女會有咩表現同唔同？點先去到高潮呢？

記得follow IG @choicecare 同FB
愛星文繼續同你探討性與愛的距離